21.8 C
Skopje
Tuesday, June 15, 2021

Македонија за 210 милиони долари купува борбени возила од САД

Најчитани вести

Американската Агенција за одбранбена соработка на САД одобрила можна продажба на американски борбени возила „Страјкер“ и дополнителна опрема за македонската армија, дознава ТВ21.

За таа цел владата ќе идзвои 210 милиони долари. Агенцијата за ова го информирала и американскиот Конгрес, кој треба да даде конечен одговор.

Македонија од американската администрација побарала набавка од 54 борбени возола „Страјкер“, и тоа во три верзии М1126 за превоз на пешадија, командно возило М1130 и возила на кои е монтиран минофрлач со верзија М1129.

За овие возила е предвидена и набавка на дополнителна опрема – митралези калибар 12,7 мм, фрлачи на димни бомби М6, радио уреди, борбени станици управувани од далечина. ГПС приемници, термовизија за возачи, резервни делови, алат, опрема за испитување и технички прирачници.

Исто така би требало и американски претставници да допатуваат во нашата земја, за да се запознаат со логистичките можности за приемот на возилата и изборот на посада. Тоа треба да се случи во следната година.

ТВ21 побара став и од министерството за одбрана, но до овој момент не добивме.

Повеќе вести

- Advertisement -spot_img

Најнови вести