Home » Лицата над 30 години во Грција можат да примат четврта доза од вакцината против Ковид-19

Лицата над 30 години во Грција можат да примат четврта доза од вакцината против Ковид-19

by Журнал.мк

Граѓаните во Грција на возраст од 30 до 59 години, од денеска, доколку сакаат, можат да закажат термин за вакцинација со четврта доза од вакцината против Ковид-19, јави дописничката на МИА од Атина.

Вакцинацијата не е задолжителна, а според Националната комисија за имунизација иако „не постојат доволни научни податоци за дополнителната придобивка што би ја понудила втората бустер доза со постоечките вакцини“, сепак им се дава можност на лицата над 30-годишна возраст да се вакцинираат.

Со четврта доза, односно втората бустер доза веќе се вакцинираат граѓаните постари од 60 години, а Комисијата за имунизација по одржаниот состанок во четвртокот соопшти дека останува силна препорака за вакцинација за конкретната старосна група.

-Во однос на општата популација под 60 години, Националната комисија за имунизација посочува дека во моментов не постојат доволни научни податоци за дополнителната придобивка што би ја понудила втората бустер доза со постоечките вакцини. Сепак, Националната комисија за имунизација препорачува да им се даде можност за вакцинација со втора бустер доза на лицата на возраст од 30 до 59 години, доколку сакаат, соопштија во четвртокот од Министерството за здравство на Грција.

Граѓаните од конкретната старосна група, од денеска можат да закажат термин за вакцинација.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More