Една од најпознатите македонски водителки Лила Стојановска (екс-Филиповска) деновиве нацијата ја потсетува на најгрозните моменти од својот живот. А, тоа било минатата година во ова време, кога Лила водела сурова битката на живот и смрт, битка против ракот. Излезе како победник!
-Минатата година, токму во ова мајско време го поминував најтешкиот период во мојот живот. И искрено се прашував, дали ќе доживеам следното лето да уживам во убавините на животот? Најчестото прашање што си го поставував беше дали уживав доволно во животот и што пропуштив од животот на Земјата?
Сега, една година подоцна, се обидувам да си ги исполнам сите тие желби. Залудно живееш ако не уживаш во животот. А и полесно е кога имам само неколку вистински пријатели, порача Лила, која во меѓувреме го смени имиџот.
Таа инаку, продолжува со квизот на ТВ Сител, а и после Малдивите продолжува да го живее животот максимално интересно.
– Сè можете да ми кажете, што сакате кажете ми. Но со кој и како да си го живеам својот живот тоа не може никој да ми каже, многу сигурна е Лила во ова свое кажано! Д.М.
