Лидерите на регионалниот блок на Западна Африка ќе се состанат неделава за да разговараат за следните чекори откако воената хунта на Нигер го отфрли крајниот рок да го врати соборениот претседател на земјата Мохамед Базум.
„Сметаме дека хунтата ќе создаде услови што ќе доведат до демократска транзиција. Не сакам да им дадам распоред на оние кои моментално се на власт, но најважно е да се осигураме дека ќе се вратиме во демократска ситуација и дека ќе можеме да имаме амбиции да го развиеме Нигер, бидејќи тоа е најважното“, изјави Амаду Руфаи Махаман, член на опозициска партија во Нигерија.
Воените лидери на Мали и Буркина Фасо испратија делегации во Ниамеј во обид да покажат единство со водачите на пучот во Нигер по регионалните закани. И Мали и Буркина Фасо претходно предупредија дека секоја странска интервенција во Нигер ќе се смета како „објавување војна“ против нив. Американскиот Стејт департмент соопшти дека и натаму ја запира помошта од повеќе од 100 милиони долари за Нигер.
