Лацио доби сериозна понуда за Милинковиќ-Савиќ и – пак ја одби!?

Share on facebook
Share on twitter
Share on whatsapp
Share on google
Share on linkedin
Share on email
Share on print

Не постои поголема трансфер сага од таа за српскиот фудбалер за врска во Лацио, Сергеј Милинковиќ-Савиќ, зашто веќе година ипол, Лацио на секоја посериозна понуда има одговор дека треба повеќе за да го продадат својот фудбалер.

Пред една година, Клаудио Лотито објави дека одбил преку 120 милиони евра за Србинот, кога тој играше во неверојатна форма, но изминатата сезона беше многу послаба, Србинот во долги периоди беше непрепознатлив, па цената речиси за двојному падна. Но, и покај тоа, интерес за него има, па сега стигнала иекстра конкретна понуда од 80 милиони евра. И тоа од Манчестер јунајтед, кој веќе подолго време го има на радарот.

Арно ама, од Лацио повторно – не. Малку им биле 80 милиони евра. Сега Лотито им порачал дека минимумот е 100 милиони. Првиот човек на „лацијалите“ е свесен дека Пол Погба сака да си оди, а на „ѓаволите“ им се брза да најдат добра замена, па планира да се исценка и до врв да ја наполни касата.

Така сапуницата за популарниот СМС продолжува и е бескрајна. Ако се суди по инаетот на Лотито, поизледно е дека Сергеј ќе остане во Рим отколку што ќе направи трансфер. Слично беше и лани, кога првиот човек на „орлите“ лицитираше со 100, па 120 и стигна дури до 150 милиони евра.

Џ.И.

Оставете коментар

Актуелно

@2019 – Новинска агенција ЖУРНАЛ. Сите права се задржани.

Димитрие Чуповски 4/2-11, Скопје, Република Македонија. Телефон: 02/3217-815
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.