23.8 C
Skopje
Saturday, July 24, 2021

Лани за четири отсто повеќе присилно раселени лица од 2019

Најчитани вести

За четири отсто повеќе луѓе се присилно раселени во светот минатата година, во однос на 2019 година. Денес еден процент од човештвото е раселен и има двојно повеќе присилно раселени лица отколку во 2011 година, кога вкупниот број бил нешто под 40 милиони, покажуваат податоците од извештајот на УНХЦР – „Глобални трендови во 2020“.

Според извештајот, во 2020 година вкупно 82,4 милиони луѓе се присилно раселени во светот, за разлика од 2019 кога се реселиле околу 79,5 милиони.

Вкупно 26,4 милиони се бегалци, во споредба со 2019 кога бројката на бегалците беше 26,0 милиони.

Извештајот покажува дека 20,7 милиони бегалци се под мандатот на УНХЦР, 5,7 милиони палестински бегалци се под мандатот на УНРВА, а 48,0 милиони се внатрешно раселени лица. Дури 4,1 милиони се баратели на азил, а 3,9 милиони Венецуелци се раселени надвор од сопствената држава.

Споредбено, во 2019 година имало 20,4 милиони бегалци под мандатот на УНХЦР, а 5,6 милиони палестински бегалци под мандатот на УНРВА. Имало дури 45,7 милиони внатрешно раселени лица, а 4,1 милиони баратели на азил. Во 2019 година имало 3,6 милиони Венецуелци раселени надвор од сопствената држава.

– Всушност 2020 е деветтата година на непрекинат раст во присилното раселување во светот. Денеска, еден процент од човештвото е раселен и има двојно повеќе присилно раселени лица отколку во 2011 година кога вкупниот број беше нешто под 40 милиони, се наведува во извештајот на УНХЦР.

Од УНХЦР информираат дека повеќе од две третини од сите луѓе кои избегале надвор од границите на својата држава доаѓаат само од пет држави: Сирија – 6,7 милиони, Венецуела – 4,0 милиони, Авганистан – 2,6 милиони, Јужен Судан – 2,2 милиони и Мјанмар – 1,1 милион.

Најголемиот број бегалци во светот – речиси девет од десет бегалци – 86 проценти – се згрижени во држави кои се соседи на кризни области и држави со низок и среден приход.

Најнискоразвиени држави обезбедиле азил на 27 проценти од вкупниот број.

– Седма година по ред, Турција е домаќин на најголемата бегалска популација во светот – 3,7 милиони бегалци, а по неа се Колумбија со 1,7 милиони, вклучувајќи Венецуелци раселени надвор од државата, Пакистан со 1,4 милиони, Уганда со 1,4 милиони и во Германија 1,2 милиони.

Нерешените барања за азил во светот останаа на нивото како во 2019 – 4,1 милион. Но во извештајот се посочува дека државите и УНХЦР колективно регистрирале околу 1,3 милиони поединечни барања за азил. Тоа е еден милион помалку од 2019, односно 43 отсто помалку барања.

Повеќе вести

- Advertisement -spot_img

Најнови вести