Home » Ламбе Алабаковски пуштен во домашен притвор

Ламбе Алабаковски пуштен во домашен притвор

by Журнал.мк

Ламбе Алабаковски е пуштен во домашен притвор, еден ден откако му беше одредена мерка притвор за подметнување пожар во кој изгоре влезната врата на бугарскиот клуб „Ванчо Михајлов“ во Битола. Тој вчера попладне го напушти притворското одделение во битолскиот затвор и беше спроведен во неговиот дом, каде што ќе го издржува куќниот притвор.

Судскиот совет на Основниот суд во Битола ја преиначи мерката со која му одреди осум дена притвор на Ламбе. Тој е обвинет за предизвикување општа опасност. Откако беше уапсен, Алабаковски го призна делото дека го потпалил бугарскиот клуб, па беше задржан во притвор.

Завчера во Битола се одржаа протести на кои се бараше ослободување на пејачот, а неколку адвокати претходно доброволно се пријавија да го бранат во судската постапка. Јавноста, пак, е со поделено мислење на инцидентот. Повеќето го поддржуваат, но има и такви кои ја осудија постапката на Алабаковски.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More