1.8 C
Skopje
Sunday, January 29, 2023

Костадинов го обвини Мицкоски дека краде концепти од СДСМ

Најчитани вести

Христијан Мицкоски, загубен во своите деструкции и блокади, немајќи ништо друго да им понуди на граѓаните, реши да копира концепти и политики од СДСМ, изјави портпаролот на СДСМ и пратеник, Костадин Костадинов.

Според него, „Македонија за сите луѓе“ е бледа копија на „Живот за сите“ исто како и концептот „Парите кај граѓаните“.

„Не може партија што 11 години земаше од граѓаните денеска да вели дека ќе ги враќа парите назад кај граѓаните. ВМРО-ДПМНЕ беше против укинување на радиодифузната такса и против воведувањето дневна евтина тарифа на струјата. ВМРО-ДПМНЕ се противеше на проектот ‘Мој ДДВ’, а преку овој проект за две години вративме 36 милиони евра назад кај 400.000 граѓани“, рече Костадинов.

Тој додаде дека за време на владеењето на СДСМ минималната плата е покачена од 9.000 на 15.200 денари, а просечната плата за 4 години е зголемена 6.000 денари. Покачени се и пензиите, социјалната помош, платите во здравството, образованието, полицијата, армијата, во социјалната и детската заштита.

„Ако Мицкоски навистина сака да ги враќа парите кај граѓаните, воопшто нека не чека, нека почне во сопствената партија преку враќање на парите што Груевски ги зел од членарините за да купува плацови на Водно. ВМРО-ДПМНЕ веднаш да ги врати милионите за кои се обвинети функционери на партијата и за некои веќе има пресуди. Мицкоски веднаш со Груевски да ги врати парите од Белизе кај граѓаните“, порача Костадинов.

Според СДСМ, граѓаните гледаат кој враќа пари назад, а кој граба и краде за да поставува споменици, палми и лажен барок за милионски провизии.

Повеќе вести

- Advertisement -spot_img

Најнови вести