36.8 C
Skopje
Sunday, August 1, 2021

Компанијата „Херц” излегува од стечај, инвеститори вложуваат 4,2 милијарди долари

Најчитани вести

Два американски инвестициски фонда ќе купат мнозински удел во Херц Глобал Холдинг за 4,2 милијарди долари, според планот за преструктуирање кој треба да и овозможи на компанијата за изнајмување автомобили да излезе од стечај на почетокот или средината на летото.

Инвестициските фирми Најтхед Менаџмент и Сертарис Опортунитис ќе купат до 100 отсто акции на Херц, а рент-а-кар компанијата тие средства ќе ги пренасочи за финансирање на возниот парк во САД и намалување на корпоративниот долг.

– Ја репозициониравме нашата деловна активност бидејќи се подготвуваме за зголемување на побарувачката за патувања, откако пандемијата полека се повлекува, изјави генералниот директор на Херц, Пол Стоун.

Компанијата Херц е основана во 1918 година во Чикаго. Во мај минатата година поднесе барање за заштита од банкрот, откако пандемијата на коронавирус ја намали неговата деловна активност, а разговорите со доверителите не резултираа со многу потребното олеснување на финансиската ситуација.

Компанијата во денешното соопштение наведува дека поднела предлог-план за деловна реорганизација до американскиот стечаен суд во Делавер, кој треба да ги одобри условите за предложената инвестиција на рочиштето закажано на 16 април. гт/

Повеќе вести

- Advertisement -spot_img

Најнови вести