Home » Колку заработуваат вработените во Porsche?

Колку заработуваат вработените во Porsche?

by Журнал.мк

Porsche AG своите возила главно ги произведува во Германија, во Цуфенхаузен, област на границата меѓу Штутгарт и Лудвигсбург. Има и музеј, добро познат на љубителите на брендот. Статусот на производител на премиум спортски модели и луксузни теренци привлекува многу луѓе кои сакаат да направат кариера во Porsche.

Фактот дека Оливер Блуме, претседател на управниот одбор на Porsche AG од 2015 година, заработува повеќе од пристојно, нема да изненади никого. Но, како високата цена на популарните модели како Porsche Taycan, 911 или Cayenne влијае на платите во компанијата?

Практиканти

Porsche има 36.000 вработени ширум светот, што е релативно малку во споредба со другите производители. За разлика од Daimler AG, каде што платите зависат од нивоата на управување, компанијата со седиште во Штутгарт има малку поинаква хиерархија. Според платформата за регрутирање Glassdoor, Porsche AG бил најпопуларниот работодавач во Германија минатата година. Зошто е тоа така, покажува студија на Bild.

На оние кои доаѓаат на обука им се исплаќа плата според колективниот договор за труд на IG Metal (металуршка и електро индустрија). Во првата година на обука, можат да сметаат на сума од 976 до 1037 евра месечно, потоа – од 1141 до 1264 евра месечно. Експертите велат дека стажирањето е најдобриот начин да се стане дел од тим кој чиј работодавец е Porsche AG.

Оние кои подоцна ќе останат вработени во компанијата може да сметаат на годишна плата од 15.100 евра. Оние кои работат во постудени услови од 12.480 до 21.120 евра годишно.

Квалификувани работници

Од колективниот договор со  IG Metal не зависат само платите на оние кои се на обука, туку и на многу други вработени во компанијата. На пример, квалификуван работник во производство заработува околу 50.400 евра годишно. Механичарите земаат малку повеќе – во просек 52.900 евра. Истражувачките инженери на Porsche добиваат во просек 85.700 евра годишно, додека лидерите на тимовите можат да уживаат годишна плата од 100.600 евра.

Менаџери

Нормално дека менаџерите се повеќе ценети и тоа влијае на нивните плати. Оние кои се занимаваат со набавка на автоделови добиваат и до 150.000 евра годишно, додека нивните колеги од производството заработуваат нешто повеќе – до 170.000 евра.

На врвот на пирамидата е Управниот одбор на чело со Оливер Блуме. Според Bild, тој заработува околу 4,76 милиони евра годишно. И сосема нормално, претседателот на управниот одбор на Porsche поседува Porsche Taycan, кој чини многу пари, но само минатата година се продадени повеќе од 20.000 примероци.

Бонуси

Комерцијалниот успех на Porsche AG не ги заобиколува своите вработени – компанијата остварува профит и дел од него се распределува меѓу сите овие 36.000 луѓе. Во 2019 година, на пример, бонусите изнесувале 9.700 евра, што за некои вработени одговара на три полни месечни плати. Покрај тоа, вработените во компанијата користат 20% попуст при купување на популарните модели на брендот.

Овие бонуси веројатно ќе се зголемат – минатата година Porsche постави рекорд во продажба во својата историја, испорачувајќи 301.915 нови автомобили на своите клиенти ширум светот. Ова е за 11% повеќе отколку во 2020 година. Моделите со најголема побарувачка се повторно теренци –  Macan – 88.362 единици, Cayenne 83.071 единици.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More