11.8 C
Skopje
Sunday, September 19, 2021

Кога руски милијардер реновира училиште тука има златни тоалети, фонтани и мермер: Сега децата не мора да одат во Версај или Лувр

Најчитани вести

Првиот поглед на реновираното средно училиште во Екатеринбург во Русија, може да ве натера да помислите дека станува збор за барокно здание во кое доминира раскош и неумереност на секој чекор, како палатата во Версај, но всушност е исполнување на детскиот сон на еден руски милијардер.

Златните висечки лустери, позлатените орнаменти по ѕидовите, луксузните мермерни подови, златните плочки во тоалетите, синиот мермер на ѕидовите и фонтаната никако не ве наведуваат на заклучок дека сте во обично училиште изградено во 40-тите години, во советската ера. 
Некогаш ученик во ова училиште, а денес успешен бизнисмен Андреј Симановски, решил да го исполни својот сон од детството и своето училиште да го претвори во палата.

А сите кич елементи со кои тргнал во “поход”, иако делуваат претерано, всушност се само почеток на реновирање на ова училиште. Завршени се, како што е соопштено, само ходникот во приземјето и тоалетите.

Моментално се работи на канцеларијата на директорот и училниците. Како што рекол Симановски, сака да ги преуреди и горните катови, теретаната и терените на отворено.

Покрај барокните свилени тапети, позлатени столбови и мермерни подови, златната боја е неизоставна во тоалетите.

Локалните власти засега не се бунеле за овој проект, дури и напротив. Додека неколку дизајнери и блогери го критикувале неговиот проект, истакнувајќи дека е премногу кич и нападен за детско училиште, градоначалникот Александар Високински ја бранел неговата визија. Како што истакнал, тој барем прави нешто добро за локалната заедница.

“Секогаш ќе има такви кои критикуваат а не работат ништо. Неопходно е да се разговара со луѓето кои прават нешто корисно, да се проучи нивното искуство”, рекол градоначалникот.

На критиките не одговорил ни милијардерот кој решил да го реновира училиштето, и истакнал дека учениците сега “нема да мораат да ги посетат Версај или Лувр”, а дека лускузниот амбиент веднаш ќе отвори подобро расположение. Како што навел, оние кои го критикуваат се само љубоморни.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com