Кинески научници откриле „чуден“ сиглан од вселената

0

Кинеските научници примиле необичен сигнал со помош на петстотини метри широкиот радиотелескоп ФАСТ.

Имено, сигналот е составен од низа на повторувачки брзи „удари“ на радиосигнали (ФРБ), кој е дојден од длабочините на вселената и кој, барем засега, научниците не можат да го објаснат.

ФРБ сигналите се многу ретки и од 2007 година кога првпат се регистрирани, детектирани се околу стотина. Најмногу се случуваат само еднаш и потоа исчезнуваат, но кинеските научници тврдат дека минатонеделниот ФРБ „е познат од порано“.

Како што се наведува, сигналот ФРБ121102 е регистриран во 2012 година, а се вратил во 2015. Сигналот е дојден од џуџеста галаксија одалечена три милијарди светлосни години од Земјата. Сега, помеѓу 30 август и 3 септември, ФАСТ го детектирал истиот сигнал со повеќе од 10 пулсеви.

Иако научниците не знаат од каде сигналите потекнуваат, не сакаат да погодуваат во толкава мера за да се создаде претпоставка за вонземјанска цивилизација. Сепак, мистеријата засега останува и експертите работат на објаснување на феноменот.