21.8 C
Skopje
Saturday, October 1, 2022

Кацаров: Бугарија побара превeнтивна помош од ЕУ за справување со Ковид-19

Најчитани вести

Бугарското Министерство за здравство побарало активирање на Механизмот за цивилна заштита на ЕУ за справување со Ковид-19, изјави за БТВ министерот за здравство Стојчо Кацаров.

Како што јави дописникот на МИА од Софија, согласно овој механизам Бугарија може да добие медицински кислород доколку се зголеми потрошувачката и доколку не може да го обезбеди од бугарските производствени капацитети, како и опрема за кислородно лекување, респиратори за инвазивна интервенција, кревети за реанимација за интензивните одделенија, монитори за пациенти, медицински професионалци кои помагаат во лекувањето на пациентите со Ковид-19…

Целта на активирањето на механизмот е да се обезбеди во случај на нагло влошување на состојбата со пандемијата, Бугарија веднаш да се снабди со потребните средства.

Министерот Кацаров, исто така, кажа дека бугарските медицински лица се справуваат со новиот епидемиски бран и нема потреба да добијат дополнителна опрема. Меѓутоа, доколку, смета тој, биде потребна таква помош, ЕК ќе биде подготвена веднаш да и пружи помош на Бугарија.

Активирањето на механизмот им дава дополнителна сигурност на властите во Софија во борбата за контрола на епидемијата, соопшти бугарското Министерство за здравство.

Бугарија денеска повторно забележа црн рекорд со 199 новопочинати лица од коронавирус.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com