Катастрофални поплави во Норвешка, евакуирани илјадници лица

Норвешка евакуираше илјадници лица бидејќи реките се искачија на највисоко ниво во последните 50 години, а домовите и деловните објекти се потопени или се однесени од надојдените води.

Главните патишта во земјата се затворени, а железничките услуги се во прекин во поголеми делови од јужна Норвешка, откако  реките се излеаја од нивните корита.

Властите предупредуваат на дополнителни поплави што би можеле да следат во наредните денови бидејќи водата се движи кон ниските крајбрежни региони.

Во последните денови и Шведска и Финска се погодени од силен ветер и дождови, како и лизгање на земјиштето.