12 C
Skopje
Wednesday, February 24, 2021

Канада пак одби да го прими поранешниот каталонски лидер Пуџдемон

Најчитани вести

Канадската Влада повторно одби да му одобри влез на своја територија на поранешниот лидер на Каталонија, Карлес Пуџдемон. Тој требало да ја посети Канада на покана од сепаратистичка организација во Квебек, соопшти канадскиот адвокат на Пуџдемон, цитиран од агенциите.

И изминава пролет Пуџдемон мораше да ја откаже посетата на Канада, кога му беше врачено првото одбивање.

Неговиот адвокат Стефан Хандфилд денеска кажа дека, согласно поднесените обвиненија во Шпанија, имиграциската служба проценила дека на Пуџдемон има мотив да му го одбие влезот на канадска територија.

По неуспешниот обид за прогласување независност на Каталонија, во 2017 година, Пуџдемон живее во егзил во Белгија. Шпанската Влада издаде меѓународна потерница за негово апсење за хаосот што го предизвика во покраината и за присвојување државни средства. Адвокатите на Пуџдемон вчера пред суд во Белгија го обжалија барањето на Мадрид за негова екстрадиција. За предметот ќе се одлучува на 16 декември.

Повеќе вести

- Advertisement -

Најнови вести