6.1 C
Skopje
Sunday, January 24, 2021

Камчев поднесе кривична против Јанева, нејзиниот син Лазар и Лиле Стефанова

Најчитани вести

Бизнисменот Орце Камчев денеска во Обвинителството за гонење на организиран криминал и корупција поднел кривична пријава против екс шефицата на СЈО, Катица Јанева, нејзиниот син Лазар Јанев и обвинителката Лиле Стефанова.

Камчев ја обвинува Јанева дека создала група во која наводно членувале нејзиниот син и обвинителката Стефанова со цел да се здобијат со имотна корист и да го оштетат.

„Првопријавената Катица Јанева во својство на службено лице – јавен обвинител кој раководел со Јавното обвинителство за гонење на кривични дела поврзани и кои произлегуваат од содржината на незаконското следење на комуникациите (СЈО) откако во 2018 година во Скопје создала група од повеќе лица со цел вршење на кривични дела за кои може да се изрече казна затвор од три години или потешка казна. Откако подготвила план за начинот на дејствување на групата и улогата на секој член на групата, а во која припадници биле второпријавената Лиле Стефанова во својство на службено лице – јавен обвинител во Јавното обвинителство за гонење на кривични дела поврзани и кои произлегуваат од содржината на незаконското следење на комуникациите која постапувала по предмети кои ѝ биле доделени директно од првопријавената Катица Јанева и која работела по нејзини насоки и упатства и Лазар Јанев кој е син на пријавената Катица Јанева, пријавените презеле повеќекратни дејствија со намера да за себе прибават значителна имотна корист, а како резултат на таквите дејствија на оштетениот Јордан Камчев и на правното лице КАРА АД Скопје им причиниле материјална штета во значителен износ, нематеријална штета, како и на оштетениот Јордан Камчев и на правните лица со кои тој е управувачки поврзан“, пишува во кривичната пријава, објави „Фокус“.

Обвинителката Стефанова ја води истрагата „Империја“ во која еден од осомничените е и бизнисменот Камчев. И по распадот на СЈО, републичкиот јавен обвинител Љубомир Јовески ја овласти Стефанова да продолжи со истрагата за овој случај.

Јанева, заедно со Бојан Јовановски и Зоран Милевски Кичеец од 3 декември во судница ќе објаснува како зеле 1,5 милиони евра од Камчев.

Повеќе вести

- Advertisement -

Најнови вести