Кабул: Бројот на жртви од бомбашкиот напад на џамијата се искачи на 21

Во бомбашки напад на џамија во авганистанската престолнина Кабул за време на вечерната молитва загина 21 лице, а уште 33 се ранети, соопшти денеска полицијата.

Во нападот загинал и истакнат исламски старешина, а меѓу повредените има и неколку деца, пренесоа агенциите повикувајќи се на полицијата и очевидци.

Локалната терористичка организација Исламска држава ги засили нападите врз талибанците и цивилите откако тие ја презедоа власта во август минатата година, во време кога американските и трупите на НАТО беа во завршна фаза на повлекување од земјата.