5.8 C
Skopje
Wednesday, October 5, 2022

И за ДПТ, коалициски партнер во власта, резултатите од пописот се спорни

Најчитани вести

И Демократска партија на Турците на Македонија, партнер на владината коалиција, вчера ги оспори резултатите од пописот. Демократскиот сојуз, партија која исто така е дел од владината коалиција, вчера соопшти дека пописот е неуспешен.

Не ги прифаќаме официјалните резултати од пописот на населението, што се одржа од 5 до 30 септември 2021 година, објавени од Државниот завод за статистика, соопшти ДПТ.

„Предложивме повеќе амандмани околу подобрувањето на Законот за попис на населението и вложивме големи напори на терен за да ја објасниме важноста на пописот и ефектите кои ќе произлезат од ова сложена статистичка операција врз нас како општество, користејќи ги сите демократски механизми што ни беа на располагање.

Објавените резултати се плод на целосна недоследност и политичка операција.

Иако има зголемување на турското население во 31 општина, фактот што стапката на Турците е над 20 отсто во 6 општини и постоењето на пораст од 7 отсто на последниот попис според Пописот од 2002 година, не значи дека преку објавените податоци ова политичка операција е прифатлива за нас .

Овие резултати, кои се далеку од реалноста, не можат да бидат прифатени и од партијата и од нашиот народ.

Зголемувањето на вкупното турско население за само 5.484 лица во периодот од 19 години, значи дека сите статистички податоци се отфрлени од наша страна.

Имајќи го предвид наталитетот и морталитетот во периодот од 2010-2020 година, зголемувањето во овој период е вкупно 4.307 лица (Родени: 9.564, починати: 5.257). Врз основа на овој резултат, разликата меѓу бројот на родени и умрени во периодот помеѓу 2002 и 2009 година е само 1.177 лица. Според ова, во податоците на Државниот завод за статистика, во периодот од 2002 до 2009 година имало зголемување за 1.177 лица.

Ова е далеку од вистината и не се совпаѓа со реалноста. Дополнително, податокот за етничкото потекло на 132.260 лица кои не се обелоденети фрла сенка врз целокупниот процес. Државниот завод за статистика мора веднаш и што поскоро да ги открие податоците за овие лица. Дополнително, потребно е да се објават информации околу бројот на попишани лица кои во периодот на попишување беа стекнати (нерезидентни) надвор од државата, вкупно 12.482 наши сонародници Турци.

Доколку со јасни и официјални податоци не се расчистат сомневањата за пописниот процес, оваа сложена статистичка активност нема да биде ништо повеќе од една проста политичка операција“, соопшти Демократска партија на Турците на Македонија.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com