Home » Итен состанок на Комисијата за натпреварување при ФФМ, следи одлука за прекинатиот меч Шкупи – Шкендија

Итен состанок на Комисијата за натпреварување при ФФМ, следи одлука за прекинатиот меч Шкупи – Шкендија

by Журнал.мк

Во моментов во Фудбалската федерација на Македонија се одржува итен состанок на Комисијата за натпреварување на кој треба да се донесе конечна одлука, од натпреварувачки аспект, за прекинатиот натпревар од четвртфиналето во Купот на Македонија меѓу Шкупи и Шкендија.

По денешната одлука на Натпреварувачата комисија, се очекува Шкупи дополнително да биде предаден и на Дисциплинската комисија при ФФМ, по што ќе биде позната и казната за чаирчани како организатори на натпреварот.

Натпреварот беше прекинат уште во 10. минута од средбата, поради хаосот кој го приредија навивачите на Шкупи веднаш откако гостите поведоа со голот на Дашмир Елези.

Елези по постигнатиот погодок низ радоста испрати провокации кон навивачката трибина на Шкупи, по што следеше упад на теренот од страна на дел од навивачите на домашните, а потоа и целосен хаос со физички пресметки и на фудбалерите со дел од навивачите.

Нешто потоа, откако судиската тројка се повлече во соблекувалните, припадници на специјалните единици на полицијата ги извлекуваа и фудбалерите на Шкендија кон соблекувалните каде повторно беа нападнати со пиротехнички средства од навивачите на домашните. Потоа и фудбалерите на Шкупи, по десеттина минути, се повлекоа во соблекувалната за дефинитивен крај на дуелот кој сега ќе има епилог на „зелена маса“.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More