68
Иран е подготвен да размени затвореници со САД. Иранскиот министер за надворешни работи вели дека неговата земја преговарала со Вашингтон со месеци со посредство на официјални лица од Катар и Оман.
„Со месеци разменувавме пораки со американската страна преку Катар и Оман. За нас размената на затвореници е чисто хуманитарно прашање и не поставивме никакви предуслови за тоа. Им кажавме на посредниците дека сме подготвени за размена во меѓусебно договорена рамка“, изјави Хосеин Амирабдолахиан, министер за надворешни работи на Иран.
Сите уапсени кои се сметаат за размена имаат двојно американско-иранско државјанство, нешто што Техеран не го признава. Не е познато колку странски државјани се во заробеништво во Иран.
