Home » Инфантино: Ќе бидеме многу строги на Светското првенство во Катар

Инфантино: Ќе бидеме многу строги на Светското првенство во Катар

by Журнал.мк

Во исто време, тој официјално го отвори игралиштето финансирано од програмата Форвард на ФИФА, а во Сан Хозе беше на финалето на Светското првенство за жени до 20 години во кое Шпанија ја совлада Јапонија со 3:1.

Инфантино одржа и прес конференција на која зборуваше за Светското првенство кое на крајот на годината ќе се одржи во Катар. „Навивачите од целиот свет се добредојдени да слават, да се забавуваат, да ги гледаат натпреварите, но ако некој сака да дојде и да направи немири или нешто слично, се разбира, не е добредојден. Ќе бидеме многу строги бидејќи безбедноста на сите е најважна“, изјави Инфантино.

Според првиот човек на ФИФА, Светското првенство се очекува да го посетат „речиси два милиони луѓе од целиот свет“, во земја со 2,6 милиони жители. „Ќе имаме навивачи од сите земји во ист град, не само навивачи од две земји кои играат натпревар во еден ден, сите ќе бидат таму цело време“, рече Инфантино.

„Подготовката поради оваа причина, се разбира, не е едноставна, има многу работи што треба да се земат предвид – безбедност, сместување, превоз – и се прават сите можни напори за да биде забавно за сите“, додаде тој. „Светското првенство ќе биде како кога дете за прв пат оди во Дизниленд и гледа игри и играчки. За љубителите на фудбалот тоа ќе биде уникатно искуство“, заклучил Инфантино.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk