Интер го менува Онана со голман на Баерн Минхен

Интер и Манчестер јунајтед се во напредни преговори околу трансферот на голманот Андре Онана на „Олд Трафорд“. Давид де Хеа официјално вчера го напушти англискиот тим откако му истече договорот, па сега „ѓаволите“ со сите сили тргнаа по Онана.

Миланскиот тим пак од друга страна веќе преговара со Баерн Минхен за голманот Јан Зомер. Швајцарецот дојде во Минхен во јануарскиот преоден рок како замена за повредениот Мануел Нојер. Германецот ќе се врати на голот на Баварците следната сезона, па Зомер би бил резерва.

Интер ќе понуди шест милиони евра обештетување за да го доведе Зомер на голот на „Џузепе Меаца“.