Изложба на Дарко Трпчески во Куманово

Share on facebook
Share on twitter
Share on whatsapp
Share on google
Share on linkedin
Share on email
Share on print

Изложбата на слики и цртежи „Раѓање на идејата“ (Анамнестика) од авторот Дарко Трпчески ќе биде отворена вечерва со почеток во 20:00 часот во кумановскиот центар за култура „Трајко Прокопиев“.

Кумановци ќе имаат можност да видат дваесетина слики и цртежи кои авторот ги работел последниве години.

– Митолошките битија во историјата на човештвото го заземаат челното место во сите религии на цивилизациите. Ликовното дело пред се, е составено од знаци и симболи. Уметноста која го презентира јазикот на симболите, не може да се издвои само како идеја, композиција, форма и облик. Таа е врзување (единство) на истите. Знаци, кодови, доминантни кодови, идеологии, митологии и референтни системи сите овие можат да бидат предизвикани од различноста на начините на гледање, пишува авторот .

Трпчески, дипломирал на Факултет за ликовни уметности (ФЛУ) во Скопје, отсек Графика и графички техники со подотсек Конзервација и реставрација, а магистрирал на истиот Факултет отсек сликарство. Работел на живописување, конзервирање и реставрирање на повеќе цркви, на релјефни декорации, самостојно изложувал во Скопје, учествувал на повеќе групни изложби во државата и странство.

T.E.

Оставете коментар

Актуелно

@2019 – Новинска агенција ЖУРНАЛ. Сите права се задржани.

Димитрие Чуповски 4/2-11, Скопје, Република Македонија. Телефон: 02/3217-815
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.