8.7 C
Skopje
Saturday, January 23, 2021

Изведба на балетската претстава „Ана Каренина“

Најчитани вести

Поради голем интерес на публиката, балетската претстава во два чина „Ана Каренина“, со одбрана музика од рускиот великан Петар Илич Чајковски повторно, на сцената на Националната опера и балет ќе биде изведена на 5 јули (петок) во 20 часот. Преку современите кореографски решенија сoединети со класичен балет на Лео Мујиќ од Хрватска, минималистичка, но ефектна сценографија, и прекрасните костими на Александар Ношпал, ќе видиме едно интересно визуелно, динамично и полно со страст балетско видување на познатиот роман „Ана Каренина“ на големиот руски писател Толстој.

Во повеќе од два часа, балетските уметници на НОБ, на чело со впечатливиот, емотивен до исцрпување танц и инспиративните движења на Марија Кичевска Шокаровска како Ана Каренина, Бобан Ковачевски како Вронски, Васил Чичијашвили од Грузија како гроф Каренин, ќе ги пренесат сите емоции што го означуваат ова дело: љубов, страст, омраза, лутина, гнев, љубомора, тага, мајчинска болка… Во оваа моќна, динамична и емотивна претстава настапуваат солисти и целиот балетски ансамбл на Националната опера и балет./novamakedonija.com.mk

Повеќе вести

- Advertisement -

Најнови вести