14.8 C
Skopje
Tuesday, September 21, 2021

Златен лав за „Настан“ на француската режисерка Одри Диван

Најчитани вести

Француската режисерка, Oдри Диван, го освои Златниот лав на 78 филмски фестивал во Венеција, за филмот „Настан“. Таа е шестата жена која освоила Златен Лав досега. Покрај неа оваа наград аја имаат добиено и Клое Жао, која годинава беше дел од жирито. Лани победи Маргарета Фон Трота, со Маријане и Јулијане“, потоа Ањес Варда со „Вагабонд“, Мира Наир со „Монсунска венчавка“ и Софија Коопола со „Некаде“.

Претседателот на жирито, корејскиот оскаровец Бон Јон-хо, рече дека сите во жирито гласале за Диван, а нејзиниот филм ја освои и наградата на критиката ФИПРЕСЦИ. Во филмот станува збор за абортусот на млада дама во шеесетите години.

Паоло Сорентино освои Сребрен лав за најдобар филм за „Божја рака“, а Филипо Скоти за најдобар млад актер за улогата во овој филм. Џејн Кемпион освои Сребрен лав за најдобра режија за „Моќта на песот“. Меги Џиленхал е наградена за најдобро сценарио за нејзиното режисерско деби „Изгубената ќерка“.

Пенелопе Круз освои награда за најдобра актерка за „Паралелни мајки“ на Педро Алмодовар, а најдобар актер е Филипинецот Џон Арчила во „На работа: Исчезнатите 8“. Италијанскиот автор Микеланџело Фрамартино освои Специјална награда на жирито за „Дупка“.

Во селекцијата Хоризонти најдобар филм е „Аџија“ на Луринас Бареиша.

Во Хоризонти светска премиера имаше и косовскиот филм „Вера сонува за морето“ на дебитантката Калтрина Красниќи, во кој копродуцент е и Македонија со „Дрим фектори“. „Вера сонува за морето“ освои две од паралелните награди на Венецискиот фестивал кои ги доделуваат други институции. Дебито на Красниќи ја освои специјалната награда „Валентина Педичини – авторки под 40 години“. Исто така, ја освои и наградата „Едипо Ре за инклузија“, што ја доделува Универзитетот во Падова и на филмот ќе му донесе кинодистрибуција во 5 италијански градови.

Во филмот главната улога ја игра макдонската актерка Теута Ајдини-Јегени, а игра и Рефет Абази. Сценариото е на Дорутина Баша, кинематографер е Севдије Кастрати, монтажер е Владимир Павловски, снимател на звук е Игор Поповски, композитор е Петрит Чеку, дизајнер на звук е Дарко Спасовски, а македонски продуцент е Огнен Антов.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com