Home » Зеленски сака да го замени Медведчук за Украинци во руско заробеништво

Зеленски сака да го замени Медведчук за Украинци во руско заробеништво

by Журнал.мк

Предлагам со Руската федерација да направиме замена, нивното момче за нашите момчиња и девојчиња кои се во руско заробеништво. Ова е предлогот на украинскиот претседател Володимир Зеленски, што го даде доцна синоќа во своето обраќање до јавноста.

Тој сака да го замени заробениот проруски политичар и близок сојузник на рускиот претседател Владимир Путин, Виктор Медведчук.

Украинската безбедносна служба соопшти дека го уапси бегалецот Медведчук, кој беше во домашен притвор поради сомнение за предавство, но, се обиде да побегне неколку дена по руската инвазија.

Медиумите пишуваат дека Медведчук се смета за најблизок и највлијателен сојузник на Путин во Украина.

Украинските власти го сомничат Медведчук за велепредавство и обид за грабеж на националните ресурси на Крим, што Москва го анектираше во 2014 година.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More