Home » Зеленски: Нападите во Киев покажаа дека треба уште да се бориме

Зеленски: Нападите во Киев покажаа дека треба уште да се бориме

by Журнал.мк

Претседателот на Украина Влaдимир Зеленски изјави дека најновите ракетни напади во Киев се најдобар доказ дека Украинците не можат да ја спуштат својата стража и дека мора да продолжат да се борат.

Во своето ноќно обраќање, Зеленски рече дека проектилите полетале во главниот град веднаш по разговорите со генералниот секретар на ОН, Антонио Гутереш.

– Руските ракетни напади врз Украина, Киев, Фастив, Одеса и други градови уште еднаш докажаа дека не можеме да го спуштиме гардот. Не можеме да мислиме дека војната е завршена. Допрва треба да се бориме и да ги истераме окупаторите – рече Зеленски.

Тој му соопшти на украинскиот народ дека САД и претседателот Џо Бајден подготвиле нов пакет поддршка за Украина во вредност од 33 милијарди долари.

– Поточно, за одбрана може да се издвојат повеќе од 20 милијарди. Планирани се повеќе од осум милијарди за поддршка на економијата, додека уште три ќе бидат одвоени за хуманитарна помош. Ова е многу важен чекор за САД. И јас сум благодарен на американскиот народ и особено на претседателот Бајден за тоа. Се надевам дека Конгресот брзо ќе го поддржи ова барање за помош на нашата земја – истакна украинскиот претседател.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More