За мазна и млада кожа вклучете го овој витамин во редовната нега

Share on facebook
Share on twitter
Share on whatsapp
Share on google
Share on linkedin
Share on email
Share on print

Витаминот Е е моќен антиоксиданс кој ги штити сите ткива во телото од оштетување, а со тоа позитивно делува на кожата и ги намалува знаците на стареење. Овој витамин помага во борбата против слободните радикали кои настануваат поради штетните ефекти на УВ зрачењето и загадувањето. Слободните радикали ја слабеат заштитната бариера на кожата поради што кожата е поподложна на појавата на брчки и нерамни текстури.

Витаминот Е исто така дејствува хидратантно – го хидрира површинскиот слој на кожата со што се намалува изразувањето на брчките. Истражувањата исто така покажале дека витаминот Е ја подобрува еластичноста на кожата и ја олеснува пигментацијата. Бидејќи делува како антивоспалителен и хидратантен, овој витамин исто така ја забрзува регенерацијата на кожата, заздравувајќи ги раните и лузните.

За најдобри резултати, витаминот Е можете да го нанесете локално, т.е. директно на кожата, после чистењето на лицето, а пред хидратантна крема и заштита од сонце. Во парфимериите и аптеките обично може да се најде масло со витамин Е, но може да отворите и капсули и маслото од нив директно да го измасирате на кожата на лицето. Кога станува збор за намирници кои можете да ги јадете за да го зголемите внесот на витамин Е – со овој витамин најбогати се семките од сончоглед, бадеми, кикирики, лешници, какао и растителни масла како што е масло од пченица, сусам и сончоглед. Добар извор на витамин Е се и маслиновото масло, авокадо и јајца.

T.E.

Оставете коментар

Актуелно

@2019 – Новинска агенција ЖУРНАЛ. Сите права се задржани.

Димитрие Чуповски 4/2-11, Скопје, Република Македонија. Телефон: 02/3217-815
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.