-1.2 C
Skopje
Wednesday, December 1, 2021

За Заев е логична постапката на Јанева за префрлање на предметите на СЈО во Јавното обвинителство

Најчитани вести

Логична постапка е писмото што го испратила специјалната јавна обвинителка Катица Јанева во врска со предметите од СЈО, а тоа произлегува и од разговорите со ВМРО-ДПМНЕ и според сите други околности, оцени премиерот Зоран Заев и нагласи дека решението е да се постигне договор, според кој предметите треба да поминат во Јавното обвинителство.

„И ако не се постигне договор, сегашните законски одредби велат дека предметите од СЈО треба да преминат во Јавното обвинителство. Правото на специјалниот јавен обвинител е опишано во Законот за јавното обвинителство и законски е дозволива одлуката на специјалниот јавен обвинител да ги предаде. Немаме контакти со Катица Јанева да прашаме зошто така постапила, но она што е очигледно е наближувањето на 15 септември кога завршува нејзиниот мандат и функцијата не може да ја пренесе на заменик или на некој друг. Веројатно заради безбедноста на сите индиции, материјали што таму се обезбедени, така што не веруваме дека ќе влијае на преговарачкиот процес. Очекувам исчекор, утре би требало да се сретнат работните групи, ако двете страни се подготвени после консултациите, за да се продолжи во изнаоѓање решение кое би требало да биде до крајот на неделата“, изјави Заев.

Тој додаде дека очекува во почетокот на наредната недела да има договор за предметите од СЈО со оглед што истекува законскиот рок за неговото функционирање.

На новинарско прашање за предметот „Рекет“, тој рече дека не добил покана за распит од обвинителката Рускоска.

„Досега не сум добил покана од јавното обвинителство, а ако добијам тоа веднаш ќе го соопштам за јавноста“, кратко одговори Заев.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com