Одлуката на блокот Западноафрикански нации да ги затворат границите со Нигер, како начин за санкционирање на пучистите, ќе ја принуди земјата да добива увоз преку многу подолга и поопасна рута. Патот ќе води преку Гвинеја, а потоа преку Буркина Фасо и Мали – предупредуваат експертите.
„Ја изолираме Нигерија, го прекина пристапот до стоките од нејзините главни пристаништа од каде првенствено Нигер го добиваше најголемиот дел од својот увоз. Тоа во суштина значи сега кога треба да дојде увозот, би дошол од овие клучни западноафрикански пристаништа од Нигерија и Бенин, стоката сега треба да доаѓа преку Гвинеја, а потоа да оди преку Буркина Фасо и Мали. И тие гранични премини се далеку, многу помалку безбедни од граничните премини со Нигерија“, изјави Бенедикт Манзи, главен аналитичар за Блискиот Исток и Африка.
Експертите сметаат дека Нигерија би можела воено да го совлада Нигер доколку Западноафриканскиот регионален блок „ЕКОВАС“ донесе одлука за интервенција.
Воената хунта на Нигер го одби последниот дипломатски обид за повторно инсталирање на соборениот претседател на земјата и ги отфрли напорите на вршителот на должноста заменик државен секретар на САД, Нуланд, да се сретне со претседателот Базум.
Нуланд ги опиша бунтовниците како неприемливи за нејзините апели за почеток на преговори и враќање на уставното владеење.
„Нуланд се сретна со лидерите на хунтата и јасно стави до знаење дека постои дипломатски пат за нив доколку изберат враќање на уставниот поредок. Исто така, јасно стави до знаење дека ќе има последици ако не го сторат тоа. Воопшто не е јасно дали тие ќе го изберат дипломатскиот пат. Таа се сретна и со лидери на граѓанското општество, лидери на невладини организации“, изјави Мет Милер, портпарол на Стејт департментот.
Соборениот претседател Базум, кој се опиша себеси како „заложник“ на воената хунта, наводно е приведен со сопругата и синот.
„Сè уште работиме на постигнување поинаков исход и се надеваме дека претседателот Базум ќе биде ослободен од домашен притвор и ќе може да продолжи со своите должности“, додава Милер.
Воените водачи ја отфрлија предложената посета на претставниците на Западноафриканскиот регионален блок, Африканската унија и Обединетите нации.
