13.8 C
Skopje
Friday, October 22, 2021

Заев на средба со Џонсон: Односите меѓу двете земји се зајакнуваат

Најчитани вести

Обединетото Кралство целосно ја поддржува Република Северна Македонија, а земјата со спроведувањето на реформите во согласност со вредностите на НАТО и ЕУ, целосно го заслужува своето место во евро-атлантските демократски сојузи, беше речено на средбата меѓу претседателот на Владата на Северна Македонија, Зоран Заев, и премиерот на Обединетото Кралство, Борис Џонсон, што се одржа во Лондон за време на Состанокот на лидерите на НАТО.

Премиерот Заев на средбата нагласи дека Северна Македонија нема алтернатива за овие процеси и дека во изминатите две години беше фокусирана на исполнување на сите неопходни услови за да покаже дека е подготвена за полноправно членство во НАТО и ЕУ.

На средбата двајцата премиери ја истакнаа определбата за долгорочно зајакнување на односите меѓу двете земји како потврда за меѓусебното блиско пријателство и заемна поддршка, сега и во рамки на сојузништвото во алијансата.

Премиерите Заев и Џонсон ја издвоија заедничката посветеност за продлабочување на економските и трговските односи меѓу двете земји, како и на поддршката за развој и унапредување на регионалната соработка.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com