25.8 C
Skopje
Saturday, June 12, 2021

Заев и Царовска се сретнаа со претставници на Сојузот на здруженијата на пензионерите

Најчитани вести

Претседателот на Владата, Зоран Заев, и министерката за труд и социјална политика, Мила Царовска, се сретнаа со делегација на Сојузот на здруженијата на пензионерите на Македонија, предводена од претседателката на Сојузот, Станка Трајкова, како и пратеникот во Собранието, Илија Николовски, како претставник на Партијата на обединети пензионери и граѓани на Македонија (ПОПГМ).

На средбата се разговараше за целокупниот економски раст на државата, зголемувањето на платите во државата и претстојните планови и мерки за раст на пензиите, како и за други прашања од аспект на стандардот на живеењето на овие наши граѓани.

Заев и Царовска ги информираа претставниците на Сојузот на здруженијата на пензионерите дека се остваруваат условите за пораст на пензиите врз основа на стабилизираниот пензиски систем, најавеното ново зголемување на минималната плата, континуираниот раст на просечната плата, како и врз основа на вкупниот економски раст во земјата.

Сите овие фактори се позитивни предуслови за раст на пензиите.

На средбата во канцеларијата на претседателот на Владата на Северна Македонија стана збор и за другите прашања од интерес на пензионерите и згрижување за што во наредниот период се предвидени решенија.

Повеќе вести

- Advertisement -spot_img

Најнови вести