14.8 C
Skopje
Tuesday, September 21, 2021

Заговорот за атентат вметнат во интригите на Салвини?

Најчитани вести

Италијанскиот министер за внатрешни работи Матео Салвини тврди дека група украински неонацисти, сакале да го убијат. Тие се уапсени поради поседување голем арсенал оружје. Салвини вели дека секој ден добива голем број закани.

– Тајната служба ми кажа за украинската група која планира атентат на мене. Драго ми е што тоа помогна да се пронајде арсеналот на некои луди луѓе – вели тој.

Италијанската полиција привела тројца мажи, меѓу кои и еден кој е поврзан со неофашистичка политичка партија, откако откриле голема количина оружје. Меѓу арсеналот е пронајдена и ракета воздух-воздух од француско производство, како и материјали со нацистички симболи.

Светските медиуми, сепак, истакнуваат дека целата ситуација е матна, бидејќи Салвини и неговата партија „Лига“ се вмешани во скандал по обвинувањата дека примиле пари од Русија за да се залагаат против санкциите за Русија во Европскиот парламент. Многумина сметаат дека рацијата и објавите за планот за атентат се обид за оттргнување на вниманието на јавноста од скандалот.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com