Home » Ем-ти-ви филмски и ТВ-награди: Џенифер Лопез не можеше да ги задржи солзите

Ем-ти-ви филмски и ТВ-награди: Џенифер Лопез не можеше да ги задржи солзите

by Журнал.мк

Џенифер Лопез беше емотивна кога прими специјална статуетка на доделувањето на наградите на Ем-ти-ви за филм и телевизија (MTV Movie & TV Awards) во неделата.

На славната пејачка и актерка ѝ беше врачена наградата „Џенерејшн аворд“ за нејзините постигнувања во филмската индустрија.

На свеченоста што се одржа во Санта Моника ѕвездата се појави во црн фустан со длабоко деколте, креација на брендот Mônot.

По прифаќањето на укажаната чест, Лопез одржа говор и не можеше да ги задржи солзите. Таа ги поздрави своите поддржувачи, како и оние што ја дискредитирале во текот на нејзината кариера, притоа испорачувајќи долга листа луѓе на кои им изрази благодарност“.

„Сакам да им се заблагодарам на луѓето што ме поддржуваа и на оние што ми го скршија срцето. Оние што беа искрени и оние што ме лажеа“.

„И на моите деца, кои ме научија да сакам“.

„Сакам да им се заблагодарам на сите луѓе што ми велеа, в лице или зад грб, дека нема да успеам. Навистина мислам дека немаше да успеам без вас. И знам дека немаше да го направам ова без фановите, кои ги гледаат филмовите. Вие сте причината поради која сум тука. Ве сакам“, рече Лопез во својот говор.

Таа на крајот од говорот му се обрати на својот свршеник Бен Афлек велејќи: „Бен и сите дома, чекајте ме да вечераме. До 7 часот ќе сум дома!“

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More