Home » Експлозија во хемиска фабрика во Словенија, има повредени

Експлозија во хемиска фабрика во Словенија, има повредени

by Журнал.мк

Десет лица се повредени кога утрово одекна експлозија во хемиската фабрика Меламин во Кочевје, Словенија.

Словенечката полиција во 8 часот и 35 минути добила дојава за експлозија и пожар во кругот на фабриката Меламин.

Засега не се знае што гори, па полицијата ги повика мештаните да ги затворат прозорците и да не се приближуваат до местото на настанот, пренесе Телеграф.

– Ги советуваме сите жители во околината да ги затворат прозорците и да не се движат на отворено за време на интервенцијата. Исто така, не треба да се приближуваат до местото на настанот – изјавија од полицијата.

Се сомнева дека експлодирал бојлерот во производство.

Порталот 24ур јавува дека зградите во близина на фабриката силно се треселе во моментот на експлозијата, а граѓаните пријавиле дека гипсот почнал да паѓа од таваните.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More