Вечерните ритуали се благотворни за постепено смирување на организмот пред спиење. За некој е доволно да прочита неколку редови од некоја книга пред да заспие, но многумина ги мачи напнатост, чувство на глад, мачнини или силно чукање на срцето.
Ако чувствувате дека сте гладни, но сте свесни дека не треба да јадете пред одење во кревет, напијте се една чаша млак чај од нане. Другите видови чај како и кафето можат да ги влошат наведените тегоби, особено црниот чај кој содржи кофеин.
За разлика од него, чајот од нане делува смирувачки и на телото и на умот. Тој го ублажува забрзаното чукање на срцето, а истовремено го опушта и дигестивниот систем. Чајот од нане им се препорачува и на лицата кои патат од мачнини.
Но, сепак постојат и лица кои треба да внимаваат со неговото консумирање, а тоа се оние кои имаат проблеми со ждригавица или рефлукс. Чајот од нане може да ги влоши ваквите тегоби, па затоа доколку имате проблеми со истите, не е препорачливо да го консумирате.
