14.8 C
Skopje
Sunday, October 2, 2022

Еди Рама најдобар градоначалник на Тирана во изминатите 20 години

Најчитани вести

Граѓаните на Тирана сметаат дека најдобар градоначалник во изминатите 20 години е Еди Рама, актуелниот премиер на Албанија.

Ова го покажува анкетата спроведена од телевизијата „Euronews Albania“ на која на прашањето кој е омилениот градоначалник во изминатите 20 години, жителите на главниот град 30,8 отсто одговориле Еди Рама, 25,3 отсто Ерион Велиај и 4,60 отсто Љуљзим Баша, додека 39,3 отсто не дале одговор.

Граѓаните на албанската метропола имале пофални зборови за Рама дека ја „претворил Тирана во достојна европска престолнина“.

Рама (58) прв човек на Тирана беше во три последователни мандати 2000-2011, првиот мандат беше тригодишен, по што беа направени измени во изборниот законик и градоначалниците од 2003 година се со четиригодишен мандат. Рама е добитник на наградата за светски градоначалник во 2004 година, а според Тајмс, тој бил еден од најзначајните европски политичари во 2005 година.

На функцијата градоначалник го наследи Љуљзим Баша (48), доскорешен лидер на опозициските демократи. Баша беше градоначалник на Тирана во периодот 2011-2015 година.

Ерион Велиај(43) за градоначалник на Тирана беше избран во 2015 и реизбран во 2019 година.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com