По Бискенте Лизаразу, уште еден член на златната генерација на Франција од 1998 и 2000 година, Кристоф Дугари, тврди дека ПСЖ подобро игра кога во тимот не е Нејмар. Вчера, ПСЖ, објави дека Нејмар поради повреда ја завршил сезоната. Кристоф Дугари тврди дека повредата на Нејмар е благослов за ПСЖ.
„За ПСЖ добра вест е повредата на Нејмар. Верувам дека тоа е неверојатна среќа за тренерот Галтие. Тимот има многу подобар биланс со пет играчи во одбраната, тројца во средниот ред и двајцата напаѓачи Лионел Меси – Килијан Мбапе”, изјави поранешниот фудбалер.
„Не можам да го поднесам, едноставно не можам повеќе. Не нервираат неговите дриблинзи, ме нервира неговиот став. Се уморив од него, не сакам повеќе да го гледам на теренот. Без Нејмар, ПСЖ ќе игра внимателно и на контранапади“.
ПСЖ, утре гостува во Минхен, во Лигата на шампионите. Првиот натпревар им припадна на фудбалерите на Баерн, кои во Париз победија со 1:0.
