Home » Директор на филипински затвор наредил убиство на новинар

Директор на филипински затвор наредил убиство на новинар

by Журнал.мк

Филипинските власти денеска го обвинија директорот на еден од затворите во земјата дека наредил убиство на познат радио новинар.

Персивал Мабаса (63) беше убиен на 3 октомври на пат до радио-студио во предградие на Манила.

Директорот на затворската управа, Џералд Бантаг, наводно го наредил убиството на новинарот затоа што во својата емисија „изнел проблеми поврзани со него”.

Осомничениот вооружен напаѓач Џоел Ескоријал им се предаде на властите минатиот месец плашејќи се за својата безбедност, откако полицијата ја објави неговата фотографија пренесена од видео снимка, изјавија официјални лица.

Персивал Мабаса, познат под името Перси Лапид, отворено го критикуваше поранешниот претседател Родриго Дутерте, како и политиката на владата на неговиот наследник Фердинанд Маркос Јуниор.

Филипините се една од најопасните области за новинарите во светот, а повеќето од сторителите на убиствата никогаш не се осудени.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More