139
Напаѓачот на Рома, Пауло Дибала, е блиску до потпис на нов договор со клубот од „вечниот град“. Двете страни постигнаа начелен договор за параметрите на договорот.
Аргентинецот е врзан со „волчицата“ до 2025 година, а неговата откупна клаузула за клубови надвор од Италија е само 12 милиони евра. Во новиот договор оваа сума ќе биде зголемена, а секако и платата на 29-годишниот фудбалер.
Аргентинскиот интернационалец се приклучи на Рома минатото лето на слободен трансфер од Јувентус. И покрај проблемите со повредите, тој забележа 38 настапи во сите натпреварувања со 18 гола и осум асистенции.
