Делегација на Комисијата за надворешна политика во словенечкиот Парламент во посета на Македонија

Делегација на Комисијата за надворешна политика на Државниот збор на Република Словенија денеска ќе престојува во посета на Северна Македонија.

За време на посетата, најавена е средба со претседателот на Собранието Талат Џафери, како и со претседателот на собраниската Комисија за надворешна политика Антонијо Милошоски и со членовите на Пратеничката група за соработка со словенечкиот Парламент.

Според агендата објавена на веб страницата на Собранието, во 11:10 часот најавени се изјави на претседателот на Комисијата за надворешна политика Антонијо Милошоски и претседателката на Комисијата за надворешна политика на Државниот збор на Словенија, Моника Грегорчиќ.