Home » Девет години затвор за Груевски, 4 за Трајковски, а 3 години за Јанакиески за уривањето на „Космос“

Девет години затвор за Груевски, 4 за Трајковски, а 3 години за Јанакиески за уривањето на „Космос“

by Журнал.мк

Обвинетите во случајот „ТНТ“, односно за уривањето на објектот Космос на бизнисменот Фијат Цановски, се виновни, истакна денеска судијата Огнен Ставрев, објавувајќи ја првостепената пресуда во Кривичниот суд.

Поточно, екс премиерот Никола Груевски е осуден на казна затвор од 9 години, а поранешниот градоначалник на општина Гази Баба, Тони Трајковски, е осуден на казна затвор од 4 години. Додека пак екс министер Миле Јанакиески доби казна од 3 години затвор, а обвинетата Елизабета Најдовска од 4 години затвор.

Според пресудата осудените ќе треба солидарно да ја надоместат и нанесената штета на бизнисменот Фијат Цановски, во износ од 683.514.964 денари или над 11 милиони евра.

Судијата образложи дека во периодот од 1-ви април 2012 до крајот на истата година, тогашниот претседател на Владата, Груевски заедно со министерот за транспорт Јанакиески, одлучиле да му се одмаздат на Фијат Цановски, заради неговата одлука да ја напушти владината коалиција со партијата ПЕИ и склучил коалиција со СДСМ. Груевски и Јанакиески искористувајќи ја владејачката моќ го поттикнале Тони Трајковски да ја злоупотреби службената положба кој бил градоначалник на Гази Баба предложен од ВМРО ДПМНЕ и незаконски да го сруши Космос кој бил граден од фирмата на Фиат Цановски.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More