Home » Дарко Каевски нов портпарол на СДСМ

Дарко Каевски нов портпарол на СДСМ

by Журнал.мк

Синоќа се одржа седница на Извршниот одбор на СДСМ на којашто на дневен ред беше актуелната состојба во земјава, по воената агресива врз Украина. Се разговараше за мерките за заштита на стандардот на граѓаните и економијата, за спречување на ценоцен шок и справување со последиците од глобална енергетска криза.

Претседателот на СДСМ и премиер, Димитар Ковачевски, информираше дека Владата внимателно ги следи состојбите дома и надвор и навреме презема соодветни мерки за да се зачува стандардот на граѓание и економијата.

„ Граѓаните треба да бидат спокојни, како членка на НАТО нашата безбедности и сигурност е гарантирана. Земјата има задоволителна количина прехранбени производи, нафтени деривати во стоковите резерви. Со преземените мерки на Владата не се очекува ценовен шок на основните прехранбени производи.

Во моментот нема потреба да се стават во функција стоковите резерви, институциите продолжуват со снабдување на државните резерви а се разгледуваат и евентуалните потреби за дополнително зајакнување на динамиката на резерви. Централната банка изминатиот период информираше дека девизниот курс на денарот е стабилен а стабилна е состојбата и со девизните резерви.

Следејќи ја ситуацијата, Владата предводена од СДСМ веќе подготвува нови пакети за помош на граѓаните и економијата, врз основа на анализи. Продолжува социјалниот дијалог, по покачувањето на миниминалната плата се работи на методологија за ново покачување на пензиите како и за дополнителна помош на пензионерите во услови на криза“ се вели во соопштението на СДСМ.

Согласно одлуката на членовите на Извршниот одбор, на оваа седница, Дарко Каевски е избран за портпарол на СДСМ, по изборот на Костадин Костадинов за градоначлник на Струмица.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More