Home » Гутереш: Сега не е можен прекин на огнот во Украина за хуманитарни цели

Гутереш: Сега не е можен прекин на огнот во Украина за хуманитарни цели

by Журнал.мк

Генералниот секретар на ОН, Антонио Гутереш денеска изјави дека „општ прекин на огнот“ за хуманитарни цели во Украина „сега изгледа невозможен“, иако тоа беше целта што тој неодамна му ја довери на еден од своите емисари испратен во Москва.

– Тоа го повикавме од хуманитарни причини, но се чини дека тоа не е можно – изјави тој за новинарите.

ОН ги чекаат одговорите на Русија за конкретни предлози за евакуација на цивили и гарантирање на испорака на хуманитарна помош во воените зони, изјави Гутереш.

Запрашан од АФП дали верува дека е во тек „геноцид“ во Украина – како што рече во вторникот американскиот претседател Џо Бајден, шефот на ОН рече дека „геноцидот е строго дефиниран во меѓународното право, а ОН се потпираат на правната посветеност на релевантните судски властите“.

Тој потсети дека за војната во Украина го отворил Меѓународниот кривичен суд со седиште во Хаг.

Гутереш ги повика Меѓународниот монетарен фонд и Светската банка, кои наскоро треба да одржат пролетни состаноци во Вашингтон, да ослободат пари за земјите во развој кои ги трпат последиците од руската инвазија на Украина.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More