Грчкиот премиер Киријакос Мицотакис во писмо упатено до обвинителот на Врховниот суд побара приоритетно и на највисоко ниво да спроведе истрага за големата железничка несреќа која се случи минатата недела.
Тоа ќе биде посебна истрага од онаа за која се задолжени владините експерти назначена по несреќата на 28 февруари во долината Темпа во централна Грција, во која загинаа 57 лица.
Мицотакис побара од Врховниот судски обвинител Исидорос Дојакос веднаш и темелно да ги истражи сите криминални активности поврзани со трагичната железничка несреќа во Темпа.
Формирана е посебна стручна комисија
Премиерот го повика обвинителството на Врховниот суд да ја процени можната криминална природа на систематските грешки во железничкиот сектор, вклучително и доцнењето во завршувањето на потребната технолошка модернизација на инфраструктурата.
Во петокот по наредба на премиерот беше формирана специјална експертска комисија која ќе ги испита системските проблеми кои довеле до трагедијата. Надлежните ја припишуваат несреќата на човечка грешка.
