Актерката и претприемачка Џесика Алба и нејзиниот сопруг Кеш Ворен со којшто има три деца, годинава прославиле 15 години брак.
Ѕвездата на филмот „Sin City“ со својот сегашен сопруг е во врска речиси 20 години, а сега открила и во што е тајната на нивниот складен однос.
Таа е сопственичка на неверојатно успешна компанија „The Honest Company“ и вели дека важно е непрекинато да комуницирате.
42-годишната холивудска ѕвезда која со сопругот има две ќерки: Онор (15) и Хевен (12) и синот Хајс (5), изјавила дека сѐ се сведува на отворен разговор.
„Понекогаш тоа е: Ми треба простор за себе, ќе разговарам со тебе подоцна. Кога партнерот ми е потребен ќе кажам: Ми недостасуваш, кога ќе се вратиш? Работата е во тоа што секогаш комуницирате како што се чувствувате“, изјавила Џесика.
„Мислам дека понекогаш комуникацијата со партнерот е намалена, но сепак присутна е зошто таа е важна“, изјавила Алба додека ја промовирала својата нова ТВ-емисија „Honest Renovations“.
Инаку, парот се запознал пред 19 години, а се венчале 4 години подоцна.
Џесика додала дека работите ги гледа поразлично, но дека таа и партнерот секогаш разговараат и доаѓаат до решение.
„Ние сме рационални луѓе… Знаеме за компромис. Тоа е уметност“, изјавила Алба. Нејзиниот сопруг неодамна признал и дека нивната романса е сѐ уште присутна во бракот.
44-годишниот продуцент признал дека нивниот брак поминува низ циклуси.
„Кога поминуваме низ некои моменти или си даваме еден со друг простор којшто ни треба, разговараме за тоа. Се обидуваме да направиме нешто за да ги поправиме работите. За среќа, имам партнер којшто е тука на некој можен начин“, изјавил тој.
Тој исто така признал дека на почетокот на нивната врска многу бил љубоморен поради вниманието кое го добивала неговата тогашна девојка, а сегашна сопруга од другите момчиња.
„Едноставно не се чувствував добро поради тоа. Секогаш бев прилично самоуверена личност… А, следното што ми се случи е да чувствувам љубомора постојано“, се присетил тој, но сепак научил да ги контролира таквите емоции.
Инаку, Ворен е нејзината најголема поддршка кога станува збор за кариерата.
