21.8 C
Skopje
Wednesday, May 25, 2022

Големо европско истражување: Кои автомобили се најквалитетни, а кои најчесто се во сервис

Најчитани вести

Белгиската организација за заштита на потрошувачите “Тест Анакооп” спроведе големо европско истражување за квалитетот на автомобилите во кое беа вклучени повеќе од 60.000 сопственици на возила во Белгија, Франција, Италија, Шпанија и Португалија.

Најголем процент на проблеми (17% од дефектите) се јавуваат на електричните кола и функции, како што се акумулатори, светла, кревачи на прозорци и централна брава.

Нешто помалку автомобили (13% од случаите) мора да одат на сервис бидејќи сопирачките повеќе не работат оптимално. На трето место се дефектите на бензинските и дизел моторите.

Автомобилите со најмалку проблеми се Лексус, кој е луксузен бренд на Тојота. Само 5% од возачите на овие автомобили морале да застанат на сервис за време на гарантниот период поради дефект.

Lexus исто така беше на врвот на листата на најсигурни автомобили во претходните две изданија на ова истражување (2020 и 2018 година). Тојота и повеќето други јапонски марки се исто така на врвот.

Најдобро рангиран Европеец не е Mercedes или BMW, туку Seat, а на дното на табелата се три многу скапи марки: Jaguar, Land Rover и Tesla. Електричните автомобили од фабриките на Илон Маск имаат најнизок рејтинг од сите марки.

Моделите на мотори со внатрешно согорување кои имаат најмногу проблеми се речиси по правило – дизелашите.

Кај најсигурните возила главно се среќаваме со бензински и хибридни погонски системи.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com