8.8 C
Skopje
Tuesday, October 19, 2021

Големи ветувања пред важната одлука на ЕУ

Најчитани вести

Пратениците во Европскиот парламент (ЕП) денес ќе одлучат дали ќе ја поддржат кандидатурата на германската министерка за одбрана Урсула фон дер Лејен за следен претседател на Европската комисија (ЕК), објавува „Јуроњуз“.

На тајното гласање закажано за 18 часот, на Фон дер Лејен ѝ се потребни 374 гласови за да биде избрана како претседателка на ЕК и наследничка на Жан-Клод Јункер.

Доколку европските пратеници ја одбијат нејзината кандидатура, тоа ќе биде силен удар за блокот кој веќе се соочи со сериозни проблеми поради кризата со еврото во последната деценија, одуката на Велика Британија да ја напушти ЕУ и значителното зголемување на влијанието на десничарските партии.

Таа беше номинирана за една од главните позиции во блокот од лидерите на ЕУ, иако не беше вброена меѓу главните кандидати. Ветувањата на блиската соработничка на германската канцеларка Ангела Меркел се поамбициозни цели за намалување на емисиите на јаглеродниот диоксид, фискална полицика ориентирана на развој и зголемување на таксите на големите технолошки компании.

Таа исто така вети дека ќе создаде дополнителни сеопфатни механизми за имплементација на европското владеење на правото кои вклучуваат годишни извештаи, справување со мигрантите и поставување на минималната плата за работниците во ЕУ.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com