Home » Германската министерка за надворешни во посета на Западен Балкан

Германската министерка за надворешни во посета на Западен Балкан

by Журнал.мк

Германската министерка за надворешни работи Аналена Бербок денеска ќе ги посети Сараево и Приштина.

Таа во Сараево ќе се сретне со министерката за надворешни работи на Босна и Херцеговина, Бисера Турковиќ. По тој состанок е закажана заедничка прес-конференција. Посетата на Сараево таа ќе ја заврши со разговори со високиот претставник во БиХ, Кристијан Шмит.

Потоа ќе отпатува во Приштина, каде што е предвидена средба со косовската претседателка Вјоса Османи. Германската министерка ќе се сретне и со премиерот на Косово, Албин Курти, по што ќе одржи заедничка прес-конференција. На крајот од посетата на Пришти на, Бербок ќе е сретне со претставници на КФОР и германски војници од таа мировна мисија.

Бербок на вториот ден од посетата на Западен Балкан ќе го посети Белград, а потоа ќе отпатува за Молдавија.

Пред посетата германската министерка рече дека нападот на Русија врз Украина е пресвртница која јасно покажува дека Европа мора да биде подготвена стратешки да инвестира во нејзината долгорочна безбедност, а тоа особено важи за односите со Западен Балкан. Таа вели дека денешниот мир на Западен Балкан можеби не е совршен, но е скапоцен.

„Мораме отворено да кажеме дека во последните години разочаравме и запоставивме многу од тие земји. Актерите како Русија притискаат на оваа отворена страна, кои немаат интерес за европската иднина и не се двоумат повторно да ги разгорат нерешените конфликти. Сега патувам првенствено во Западен Балкан за да слушнам што луѓето таму очекуваат од нас сега, но и да им објаснам дека нема да го оставиме тој регион во срцето на Европа на влијанието на Москва“, рече Бурбок.

Таа посочи дека Европа во последните денови покажа дека е ефикасна и решена да се спротивстави на агресивните постапки на рускиот претседател. Сега, смета таа, неопходно е Европа да покаже дека е подготвена со истата енергија да се вклучи на креативен и ориентиран кон иднината во земјите од европското соседство.

Бербок вели дека за Германија, Западен Балкан е приоритет и затоа германската влада создаде нова функција на специјален пратеник за Западен Балкан.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More