17.8 C
Skopje
Friday, September 30, 2022

Георгиевска: Собранието треба да носи ефикасни решенија за граѓаните, а не да биде алатка за уцени

Најчитани вести

Најавата за нови блокади на Христијан Мицкоски е најнеодговорниот чин во време на најголема економска и енергетска криза после Втората светска војна, рече на денешната прес-конференција Марија Георгиевска, пратеничка на СДСМ.

Таа нагласи дека Собранието треба да носи брзи и ефикасни решенија за граѓаните и заштита на нивниот стандард, а не да биде алатка за уцени и за деструкција.

„Ваковото деструктивно однесување на штета на граѓаните не е нешто ново од ВМРО-ДПМНЕ и Мицкоски.

Две години од страна на ВМРО-ДПМНЕ и опозицијата се блокирани 70-тина закони кои се во интерес на граѓаните и носат придобивки.

Како што знае и целата јавност речиси една година е блокиран Законот за наставници и стручни соработници во основните и средните училишта кој обезбедува повисоки плати за сите наставници.

За да го спречат овој закон, пратеници од ВМРО-ДПМНЕ на седница на матичната комисија се закануваа и со физичко насилство.

Речиси нема сектор каде ВМРО-ДПМНЕ со опозицијата не блокира законски решенија, на штета на државата и граѓаните“, посочи Георгиевска.

Претставничката на СДСМ нагласи дека пратениците се народни избраници и треба да работат за граѓаните кои им ја дале довербата, од кои земаат плата, а не, како што кажа, да исполнуваат нарачки на претседател на партија.

„СДСМ има план како да се спротивстави на овие блокади. СДСМ е на страната на граѓаните и уцени не прифаќаме. Како пратеничка група, заедно со коалициските партнери, ќе ги искористиме сите уставни и деловнички механизми за да ги надминеме блокадите на опозицијата и да обезбедиме функционално Собрание“, посочи Георгиевска.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com